Ош шаарындагы көчөлөрдүн биринде кызматтык жана коомдук тартипти одоно бузуп мас абалында чыр салган милиционер кызматтан алынды. Бул тууралуу Ош шаардык ички иштер башкармалыгынын басма сөз кызматы билдирди.
Маалыматка ылайык, 17-майда айрым интернет булактарында мас абалындагы милиция кызматкеринин жарандарга жасаган мамилеси тараган. Анда милиция кызматкеринин жүрүм -турумунан анын мас абалда экендигин байкоого болот. Ыкчам жүргүзүлгөн текшерүүдөн соң, Ош шаардык ички иштер башкармалыгынын кызматкери экендиги аныкталган.
Ош ШИИБнын жетекчилиги, ички иликтөө кызматы тарабынан иликтөө иштерин жүргүзүлүп, натыйжада мындай кадамдарга барган Ош ШИИБнын нөөмөт бөлүмүнүн кызматкери ички иштер органдарынын кызматкеринин кадыр-баркына доо кетирип, кызматтык тартипти одоно түрдө бузгандыгы үчүн бүгүн, 18-майда Ош шаардык ички иштер башкармалыгынын буйругу менен иштен алынды.
Иликтөө иштеринин жыйынтыгында бул кызматкер 17-май күнү эрте менен нөөмөт бөлүмүндөгү кызматын аяктап, кызматты тапшырып, үйүнө бара жатып алкоголдук ичимдик ичип алгандыгы жана кызматтык жана коомдук тартипти бузгандыгы аныкталды.
Посмотреть эту публикацию в Instagram
