Жалал-Абад шаарынын негизги көчөлөрүнүн бири болгон Кыргыз Республикасы көчөсүнүн эки тарабына тротуар куруу жана темир-бетон арыктарын жаткыруу иши жүрүп жатат. Анын алкагында тротуарга чыгып кеткен бир нече курулуш да буздурулууда. Бул тууралуу Жалал-Абад шаардык мэриясынын басма сөз кызматы билдирди.
«Тротуар мэриянын Жол башкармалыгы тарабынан жолдорду жамап-жасоого бөлүнгөн каражаттын эсебинен курулуп жатат. Ал эми темир-бетон арыктарды жаткыруу коммуналдык чарба жана көрктөндүрүү департаменти тарабынан жүргүзүлүүдө»,- деп берилет билдирүүдө.
Белгилей кетсек, быйыл Жалал-Абад шаарынын бир катар көчөлөрүнө жалпысынан 6 чакырым темир-бетон арыгы жана тротуар курулат.
