Жогорку Кеңештин кезектеги жыйынында депутат Айбек Маткеримов бирдиктүү мектеп формасы боюнча билим жана илим министрлигинин оюн сурады.
Министрдин орун басары Надира Жусупбекова 2016-жылы окуучулардын кийимине сынак жарыяланып, тандоодон өткөн форма бирдиктүү мектеп формасы деп кабыл алынганын эске салып, окуучулар менен бирге мугалимдерди дагы бирдиктүү формага өткөрүү маселеси каралганын айтты.
“Пандемия убагынан тартып биз форма талап кылбай калганбыз. Бирок жаңы окуу жылында кайрадан бирдиктүү формага өткөнү турабыз. Аны алууга шарты жоктор класикалык формада мектепке келе беришет: үстү ак, асты кара”, деп белгиледи орун басар.
