Жалал-Абадда окуучулар топтогон 12 миң 720 сом акча каражат Баткендеги чек ара чырында турак жайы өрттөнгөн үй-бүлөгө беришти. Бул тууралуу Жалал-Абад шаардык мэриясынын басма сөз кызматы билдирди билдирди.
Жалал-Абад шаарындагы Кадыр Закиров атындагы №2 орто мектебинин окуучулары Баткенге жардам чогултуу үчүн атайын кутуча орнотуп, ага ыктыярдуу окуучулар акча салышкан. Топтолгон акчаны мектеп директору Нуриса Мараимова чек арадагы чырда үйү өрттөнгөн үй-бүлөгө тапшырды.
Учурда ал үй-бүлө шаардагы турак жайлардын биринде убактылуу жашап жатат. Алардан шаар мэри Эрнисбек Ормоков өзү да кабар алып, зарыл болгон бардык каражаттар, азык-түлүктөр менен камсыздоо тапшырмасын берген.
