Ысык-Көлдө ири өлчөмдөгү баңгизаттарды ташып жүргөн жаран карамалды. Бул тууралуу ИИМдин басма сөз кызматы билдирди.
Маалыматка ылайык, Ысык-Көл жана Нарын облустары боюнча башкармалыгына М.Ш. аттуу жаран Ысык-Көл аймагында баңгизаттарды сатуу менен алектенип жүрөт деген маалымат келип түшкөн.
Аталган факт боюнча Кылмыш жаза кодексинин 283-беренеси боюнча кылмыш иши козголгон.
1988-жылы туулган М.Ш. аттуу жарандын башкаруусундагы «Хонда СРВ» автоунаасы токтотулуп, ичинде баңгизат каражаты салынган 60 ширеңке кутучасы табылып алынган.
Соттук-химиялык экспертизанын кортундусуна ылайык, алынган зат салмагы 640 гр түзгөн “гашиш” баңгизат каражаты болгон.
Учурда кармалган адам Каракол шаарынын тергөө изоляторуна киргизилген.
