Катарда футбол боюнча дүйнө чемпионатынын тайпалык оюндарында Аргентина менен Сауд Аравиянын курама командалары беттешип, Мессинин командасы утулуп калды.
Белгилей кетсек, эки команда тең С тайпасында жайгашкан жана тайпадагы беттеш өткөргөн алгачкы курамалар. Беттеш башталганда Аравиянын дарбазасына Лионель Месси сокку уруп, эсепти 1:0гө өзгөрткөн.
Ал эми, экинчи таймдын башында Сауд Аравиянын оюнчулары 48-мүнөттө жана 53-мүнөттө гол киргизип, эсепти 2:1ге айлантканга жетишкен. Мессинин командасы оюндун жыйынтыгында жеңилүү ызасын тартты.
Ал эми, С тайпада Мексика жана Польшанын командалары дагы жайгашкан. Алардын оюну бүгүн, 22-ноябрда Бишкек убактысы менен саат 22:00дө башталат.
