Токмок шаарынын ички иштер башкармалыгы дайынсыз жоголгон 16 жаштагы Алтынбек Айдаралиевди издөөдө. Бул тууралуу Чүй облустук ички иштер башкармалыгынын басма сөз кызматы маалымдады.
Маалым болгондой, Айдаралиев 27-ноябрда саат 19:00дө Бишкектин Циолковский көчөсүндөгү үйүнөн чыккан бойдон кайтып келген эмес.
Өзгөчө белгилери: бою 180-185 см, чачы кара жана кыска, көзү кара, оң кашында кесилген жери бар.
Кийими: боз түстөгү кышкы кийим, көк түстөгү джинсы шым, бут кийими кара түстө.
«Кимде-ким Алтынбек Айдаралиевдин кайда экендиги тууралуу маалыматка ээ болсо 0(312) 60-73-63, 0(501) 90-00-65, 0(551) 10-27-53, 0(705) 77-70-50 номерлерине кайрылууңуздарды суранабыз», — деп айтылат маалыматта.
