“2020-жылдын 11-ноябрынан тартып, Кыргыз Республикасынын билим берүү жана илим министрлигинин көрсөтмөсүнө ылайык, 2020-2021-жылдын 2-чейрегинде эпидемиологиялык абал туруктуу аймактардагы 322 жалпы билим берүүчү мектептерде 133 миң 682 окуучу салттуу түрдө, ал эми эпидемиологиялык абал туруксуз аймактардагы 153 жалпы билим берүүчү мектептерде 118 миң 51 окуучу аралыктан билим алып жатышат”, — деп билдирди КР Өкмөттүн Жалал-Абад облусундагы ыйгарым укуктуу өкүлүнүн орун басары Ызабеков Ырысбек.
Анын айтымында, салттуу түрдө билим алып жаткан окуучулар арасында санитардык талапка ылайык аралыктар сакталып, мектептерде дезинфекциялоо иштери жүрүп, окуучулардын ден соолугунун коопсуздугун сактоо максатында санитардык-эпидемиологиялык эрежелерди сактоону камсыз кылуу боюнча чаралар көрүлүп, ата-энелерге түшүндүрүү иштери жүргүзүлүүдө.
