Транспорт жана коммуникациялар министрлигинин алдындагы жолдо пайда болгон чуңкур жолчулар тарабынан жамалды. Бул тууралуу аталган министрликтин басма сөз кызматы билдирди.
“Исанов көчөсүндө жайгашкан Транспорт жана коммуникациялар министрлигинин имаратынын алдында аң-чөнөк пайда болгон тилке Бишкек шаарынын мэриясына таандык. Өлкөбүздөгү жолдордун бир бөлүгү муниципалдык жолдор болуп саналат жана өлкөнүн шаарларынын балансында туруп, аларды шаардык жол кызматтары тейлейт”, — деп айтылат маалыматта.
Буга чейин социалдык тармактарда Транспорт жана коммуникациялар министрлигинин имаратынын алдындагы кыш мезгилинде пайда болгон аң-чөнөктүн видеосу тараган.
