Билим берүү жана илим министри Алмазбек Бейшеналиев иш сапары менен Нарын облусунун Жумгал жана Кочкор райондорунда болду. Бул тууралуу аталган мекеменин басма сөз кызматы билдирди.
Маалыматка ылайык министр Тыналы атындагы орто мектебинин жаңы имаратынын ачылыш аземине катышты.
«Аталган мектеп 2020-жылдын декабрь айында курулушу толук аяктап пайдаланууга берилген. Азыркы учурда мектепте 300 окуучу билим алып, 31 мугалим эмгектенет. Алмазбек Бейшеналиев министрликтин атынан жаңы курулган мектепке 16 комплект компьютер тапшырды,»-деп айтылат маалыматта.
Андан ары министр иш сапарын улай Жумгал районунун Таш-Дөбө айылындагы мектептин курулушу, ошондой эле Кочкор районунун Теңдик айылындагы Калыгул Бай уулу атындагы орто мектебинин, Кара-Тоо айылындагы Ш.Абдылдаев атындагы орто мектебинин жалпы абалы менен таанышты.
Министр облустук билим берүү жана райондук билим берүү башкармалыгынын жетекчилерине ар бир райондогу көйгөйлүү деп саналган мектептердин тизмесин тактап берүүсүн тапшырды
