Сокулукта аңчылыкка кеткен бойдон кайтып келбеген жаран изделүүдө. Бул тууралуу ӨКМден билдиришти.
Маалыматка караганда, 27-ноябрь күнү Чүй облусунун Сокулук районуна караштуу Төш-Булак айылындагы «Кичи-Тоо» тоосуна 1961-жылы туулган А. Б. жана 1972-жылы туулган З. Д. аттуу 2 эркек киши аңчылыкка чыгышкан.
Ошол эле күнү А.Б. аттуу жаран түшкө маал кайра кайтып келген. Ал эми, экинчи жаран тоодо текенин артынан кеткен бойдон дайыны жок болуп жаткандыгы тууралуу маалымат «112» кызматына түшкөн.
Бүгүн, дайынсыз болуп жаткан жаранды издөөгө 5 куткаруучу тартылган. Кошумча маалымат берилет.
