Өткөн 27-июнь күнү Бишкек шаарында мээ кайнаткан ысыктан улам беш киши эс-учун жоготкон. Бул тууралуу Тез медициналык жардам борборунун директорунун орун басары Егор Борисов билдирди.
Маалыматка ылайык, тез жардам кызматынын медицина кызматкерлери жарандарга жеринде биринчи медициналык жардам көрсөтүшкөн.
Борисов “Тез жардам кызматы штаттык режимде иш алып барууда. Кооптонууга негиз жок”, — деп билдирди.
Эскертсек, буга чейин ӨКМ абанын температурасы +40 градуска чейин ысый турганын маалымдаган.