Бүгүн, 10-август Президент Садыр Жапаров кол койгон Жарлыкка ылайык, Абдралиева Гүлмира Курманбековна башка ишке өткөндүгүнө байланыштуу Кыргыз Республикасынын транспорт жана коммуникациялар министри кызматынан бошотулду. Бул тууралуу президенттин басма сөз кызматы билдирет.
Мамлекет башчысы ушул эле күнү даагы бир жарлыкка кол коюп, Осоев Эркинбек Арстанбековичти транспорт жана коммуникациялар министри кызматына дайындады.
Ал эми Гүлмира Абдраеванын кандай кызматка которулгандыгы боюнча азырынча маалымат айтыла элек.
