Бишкек шаарындагы «Ынтымак-2» эс алуу багында китеп сүйүүчүлөр үчүн ачык асман алдындагы китепкана ачылды. Бул тууралуу Маданият, маалымат, спорт жана жаштар саясаты министрлиги билдирди.
Маалыматка караганда, мындай шарт шаардыктардын, анын ичинде жаштардын китепке болгон кызыгуусун ойготууга шарт түзөт.
Китеп дүйнө таанымды кеңейтип гана тим болбостон, сөз байлыгыңды, жашоого болгон көз карашыңды дагы өстүрүүгө өбөлгө болот.
Эскерте кетсек, аталган долбоор Маданият, маалымат, спорт жана жаштар саясаты министрлигинин «Келечек» мамлекеттик жаштар платформасынын алкагында ишке ашууда.
