«Сенин көзүң»
Бир көрүп оттой күйүп жанган элем,
Сен анда кол жетпеген арман элең.
Көп жылы көңүлүңдү алып жүрүп,
Көздү жумуп сага үйлөнүп алган элем.
******************************************
Мен эңсеп өмүр бою күтүнгөнүм,
Ошондо эле сен экениң түшүнгөнүм.
Төбөмө төрт көтөрүп жүрбөсөм да,
Төрүнөн жүрөгүмдүн түшүрбөдүм.
******************************************
Сеникиндей көздү башка көргөн жокмун,
Балким көптүр, ага көңүл бөлгөн жокмун.
Канча ирээт кырсык чалып, ажал келди,
Сени кыйып кеталбай, өлгөн жокмун.
Автор: Бактыбек Мамытов
