Афганистандан террордук уюмдардын бирине мүчө болуп, согуштук аркеттерге катышып жүргөн Кыргыз жараны Кыргызстандан кармалды. Бул тууралуу УКМКнын маалымат кызматы билдирди.
«14-июлда, УКМК тарабынан жүргүзүлүп жаткан терроризмге каршы иш-чаралардын алкагында, куралдуу чыр чатактардын аймагынан келген Кыргыз Республикасынын жараны «Г.М.» ишмердүүлүгүнө бөгөт коюлду. Кармалган адам Афганистан аймагында эл аралык террористтик уюмдардын биринин курамында согуштук аракеттерге катышып, террористтик даярдыктан өткөндүгү аныкталды», -деп билдирет.
УКМК өлкө аймагындагы эл аралык терроризмдин мүчөлөрүн жана колдоочуларын аныктоо жана аларга бөгөт коюу иш-чараларын улантууда.