“Кызыл зонада” иштеген медиктерге июнь айы үчүн 166,4 млн сом бөлүндү. Бул тууралуу Милдетүү медициналык камсыздандыруу фондунун төрагасынын биринчи орун басары Клара Өскөмбаева брифинг учурунда билдирди.
Маалыматка ылайык, жалпы 10 миң 812 медицина кызматкери “кызыл зонада” иштеп жатат. Дарыгерлерге компенсациялык төлөмдөр үчүн берилген каражат, аймактар боюнча төмөндөгүдөй бөлүнгөн.
- Бишкек — 93 миллион 189 миң сом бөлүнгөн;
- Чүй облусу — 22 миллион 609 миң сом;
- Ош облусу — 24 миллион 803 миң сом;
- Баткен облусу — 4 миллион 43 миң сом;
- Жалал-Абад облусу — 8 миллион 112 миң сом;
- Ысык-Көл облусу — 8 миллион 291 миң сом;
- Нарын облусу — 3 миллион 376 миң сом;
- Талас облусу — 2 миллион 43 миң сом
