Белгилүү балбандардын машыктыруучусу Мейрамбек Ахметов Токиодо өтө турчу олимпиада оюндарында калыстык милдетти аркалайт. Бул тууралуу КРдин Күрөш федерациясы билдирди.
Маалыматка ылайык, Бириккен күрөш дүйнөсү Олимпиадада оюндарды тескей турчу 50 кишини бекиткен. Реферилерди тандоо процесси эки жылга созулуп, катуу талаптар коюлуп, добуш берүү жүргөн. Талапкерлердин буга чейин калыстык кылган турнирлерине өзгөчө көңүл бурулган.
Эскерте кетсек, Ахметов бир топ балбанды тарбиялаган. Шакирттеринин бири Канат Бегалиев 2008-жылы Пекинде өткөн Олимпиада оюндарында күмүш медаль алып кайткан.