«Айчүрөк» дүр-дүйнө дүкөнү (ЦУМ) курчоого алынып, ичиндегилер эвакуацияланууда. Учурда милиция кызматкерлери дүкөндүн айланасын курчоого алып эч кимди киргизбей жатат.
Маалыматка ылайык, Бишкектин Свердлов РИИБине саат 16:00 чамасында ЦУМдун ичинде кара кийинген шектүү аял колунда пакети менен жүргөндүгү тууралуу маалымат келип түшкөн.
Ыкчам иликтөө кызматы дароо аталган соода түйүндү эвакуацияга алып, тийиштүүиш аракеттер көрүлүүдө. Жай тургундардын коопсуздугу үчүн милиция ЦУМду курчоого алып, эч кимди киргизбей жатат. Бул тууралуу Свердлов РИИБинин маалымат кызматы билдирди.
