Айсулуу Тыныбекова Олимпиададан кийин өзүнүн формасына толук келе электиги маалымдалды. Бул тууралуу Кыргызстандын кыз-келиндер күрөшү боюнча курама командасынын улук машыктыруучу Байгазы Кенжебаев УТРК Спорт телеканалына билдирди.
“Айсулуу Тыныбекова Токио Олимпидасынан кийин акырындап өзүнүн формасына келип жатат. Бул спортто боло турган нерсе. Аны машыктыруучу штаб жакшы түшүнөт. Анткени чоң спортто форманы бир калыпта кармап туруу өтө кыйын. Эми башкы машыктыруучу менен чогуу кеңешип, кийинки жылга план түзөбүз”, — деди ал.
Эскерте кетсек, Тыныбекова Сербиядагы кыз-келиндер күрөшү боюнча дүйнө чемпионатында коло үчүн күрөштө утулуп калды.
