Бүгүн, 14-сентябрь 12.40га карата кыргыз-тажик мамлекеттик чек ара тилкесиндеги Булак-Башы жерлигиндеги кырдаал чыңалуу бойдон сакталууда. Бул тууралуу УКМКнын Чек ара кызматынан кабарлашты.
«Учурда ок атышуу токтоду. УКМКнын Чек ара кызматынын Баткен облусу боюнча башкармалыгынын башчысы полковник К. Төлөнбаев менен Тажик Республикасынын УКМКсынын Чек ара аскерлигинин Согди облусу боюнча башкармалыгынын башчысы генерал-майор Х. Пирокзоданын ортосунда сүйлөшүүлөр жүрүп жатат»,- деп берилет маалыматта.
Эскерте кетсек, бүгүн, 14-сентябрда эртең менен кайрадан кыргыз-тажик чек арасында ок атылган.