Баткенде 500 орундуу тигүү фабрикасы иштеп баштады. Бул тууралуу АКШнын Кыргызстандагы элчилиги билдирди.
Маалыматка ылайык, USAID жана жергиликтүү инвесторлордун колдоосу менен Кызыл-Кыя шаарында ачылган фабрика эки нөөмөттө иштейт.
USAID бул долбоорго 214 миң АКШ долларын жумшап, тигүү техникаларын алып берген. Жергиликтүү Cool Bros компаниясы 260 миң АКШ доллары өлчөмүндө каражат салды.
Ошондой эле, фабрикада айына жарым миллион даана кийим тигилет. Cool Bros компаниясы өндүргөн товар коңшу өлкөлөргө экспорттлот.
Эскерте кетсек, 2019-жылы дал ушундай долбоор Бишкектеги эркин экономикалык аймакта да иштеп баштаган.
