АКШнын Кыргызстандагы элчилиги 10-январда өткөн президенттик шайлоо тууралуу билдирүү жасады. Анда АКШ кыргыз элин куттуктагандыгы айтылат.
«Борбордук шайлоо комиссиясына COVID-19 пандемиясынын сыноолоруна карабастан, шайлоону жакшы деңгээлде уюштургандыгы үчүн ыраазычылык билдиребиз.
«АКШ Садыр Жапаровду Кыргыз Республикасынын президенти болуп шайланды деп тааныйт. Биз демократиялык институттарды чыңдоо, экономикалык өнүгүү, COVID-19 пандемиясына каршы биргелешип чара көрүү жана коррупция менен эл аралык уюшкан кылмыштуулукка каршы күрөшүү жаатында кызматташууну жана эки өлкө ортосундагы өнөктөштүктү тереңдетүү үчүн жаңы шайланган президент Жапаров менен иштешүү мүмкүнчүлүгүн чыдамсыздык менен күтөбүз», — деп айтылат маалыматта.
