Бүгүн Аксы районунун борбордук стадионунда «Урааным Манас» аталышындагы «Манас» айтуу боюнча республикалык кароо-сынагынын алкагында «Манас» айтышты.
Иш-чарага Аксы райондук мамлекеттик администрация-башчысы аким З. Сыдыков, Кыргыз улуттук «Манас» театрынын жетекчисинин орун басары Нурбек Талантбеков, райондун аймагындагы мекеме-ишканалардын жетекчилери жалпы жамааты менен, райондун аймагындагы шайыр апалар, маданият кызматкерлер катышып, иш-чара жогорку деңгээлге уюштурулуп өткөрүлдү.
Сынак президенттин «Кыргыз элинин баа жеткис руханий мурасы – «Манас» эпосунун үчилтигин («Манас», «Семетей», «Сейтек» эпосторун) ар тараптан изилдөө жана популярдаштыруу боюнча кошумча чаралар жөнүндө» жарлыгын аткаруу, улуттук маданий жана руханий дөөлөттөрдү сактап калуу максатында республиканын бардык аймактарында өткөрүлүүдө.
