Бүгүн Аксыда июнь окуясы эскерилди. Бул тууралуу Аксы райондук мамлекекттик администрациясынын басма сөз кызматы билдирди.
Маалыматка ылайык, Кербен шаарынын мэриясы менен биргеликте кыргыз-ѳзбек элдеринин катышуусунда ынтымак чайын уюштурду. Анда эки элди ынтымакка чакырып, каза болгондорго арналып куран окутулду.
Расмий маалыматка таянсак, бул каргашалуу окуяда 446 адам каза болуп, 2 миңге чукул жаран ар кандай жараат алган. 57 адам дайынсыз жоголуп, алардын 19у табыла элек. Массалык башаламандыкка байланыштуу 100дөн ашуун адамга издөө жарыяланган.
Белгилей кетсек, 2010-жылы өлкөнүн түштүгүндө 400дөн ашуун адамдын өмүрүн алган июнь коогасына бүгүн 11 жыл болду.
