Түрк дүйнөсүнүн маданий борбору деп жарыяланган Актау шаарында түрк дүйнөсүнүн VIII Аялдар жана мода күнү өттү. Бул тууралуу атайын кызматтан билдиришти. Иш-чара Түрк маданиятынын эл аралык уюму (ТҮРКСОЙ) тарабынан Мангыстау облусунун акимчилиги жана Түрк кызматташтык жана координация агенттигинин (ТИКА) көмөгү менен уюштурулду.
Фестивалга Азербайжан, Казакстан, Кыргызстан, Өзбекстан, Түркмөнстан, Венгрия, Монголия жана Түндүк Македония сыяктуу түрк дүйнөсүнүн 13төн ашык өлкөсү жана дизайнерлер, кол өнөрчүлөр жана сүрөтчүлөр катышты. Фестивалда эки күн бою мастер-класстар, кол өнөрчүлүк жарманкелери жана мода көргөзмөлөрү өттү.
Фестивалдын жыйынтыгында ТҮРКСОЙдун башкы катчысы Султан Раев сөз сүйлөдү. Анда: «Аял – түрк дүйнөсүнүн цивилизациясынын алып жүрүүчүсү. Ар бир колго сайылган оюм-чийим эстетиканын гана элементи болбостон, тарыхыбыздын, жан дүйнөбүздүн, өзгөчөлүгүбүздүн элеси», — деди.
Салтанатка ошондой эле Мангыстау облусунун акиминин орун басары Аббат Орисбаев, Актау шаарынын акими Абылкайыр Байпаков, Түркиянын Актау шаарындагы башкы консулу Сабри Алптекин, Өзбекстандын башкы консулу Жамолиддинхожа Абдукаримов, ошондой эле облуста аккредиттелген дипломатиялык өкүлчүлүктөрдүн жетекчилери катышты. Актауда жылдын акырына чейин эл аралык жандуу долбоорлорду өткөрүүнү уланат.
