Казакстандын Актау шаарындагы авиакырсыктан жабыркаган 3 жаран Кыргызстанга алып келинди. Бул тууралуу ӨКМ билдирди.
Аларды алып келе жаткан учак Бишкек шаарынын «Манас» эл аралык аэропортуна 30-декабрга караган түнү саат 02:52де конду. Алар тез жардам аркылуу Бишкектеги улуттук ооруканага жеткирилип, дарыгерлердин көзөмөлүндө болууда.
Эскерте кетсек, 25-декабрь күнү Бакудан Грозный шаарына учуп келе жаткан «Азербайжан аба жолдорунун» Embraer-190 учагы кырсыкка учурап, ичиндеги 67 жүргүнчүнүн 38и көз жумган. Аман калган 29 кишинин үчөө кыргызстандыктар болгон.
