18-августта агартуу министри Догдуркүл Кендирбаева Талас шаарындагы «Акылман» Президенттик лицейинин ачылышына карата даярдык иштеринин жүрүшү менен таанышты.
Министр лицейге педагогдорду конкурстук негизде тандоонун маанилүүлүгүн белгилеп, билим берүүнүн сапатына өзгөчө көңүл буруу зарылдыгын айтты. Иш сапардын алкагында Догдуркүл Кендирбаева курулуш иштерин көрүп, окуу кабинеттеринин даярдыгы менен таанышты.
Жаңы окуу жылынын алдында Таластагы «Акылман» Президенттик лицейи 7-8-класстарга кабыл алынган 96 окуучуга эшигин ачат. Лицей жалпысынан 920 окуучуга ылайыкталган. Мындан тышкары, окуучулар үчүн 168 орундуу жатакана каралган.
