Жалал-Абаддын Ала-Бука айылында таштандыны кайра иштетүүчү кичи завод ишке берилди. Бул тууралуу президенттин облустагы өкүлчүлүгүнүн басма сөз кызматы билдирди.
Маалыматка ылайык, ишкананын ачылышы кечээ, 26-ноябрда болуп өткөн.
“Бул ишкананын курулушу облустун өнүктүрүү фондунан каржыланып, 18 млн 540 миң сом бөлүнгөн. Ага катар жергиликтүү бюджеттен 6,5 млн сом жана 8 гектар жер берилген” – деп айтылат маалыматта.
Бул чакан ишкана Ала-Бука жана ага коңшу айылдардан, эки тоо кен компаниясынан чыккан таштандыларды кайра иштетет. Андан жер семирткич, мазут жана газ өндүрүү пландалган.
