Бүгүн Жалал-Абад облусунун Ала-Бука районундагы Ак-Тайлак айылында болжол менен саат 15:30 чамасында мөндүр аралаш жамгыр жаап, сел жүрдү. Бул тууралуу ӨКМ билдирди.
«Жаандын кесепетинен кокту-колоттордон сел суулары түшүп, 1 турак үйдүн короосун каптаган жана “ВАЗ 2017” үлгүсүндөгү унааны агызып кеткен» — деп айтылат маалыматта.
Аталган аймакка ӨКМдин Ала-Бука райондук өзгөчө кырдаалдар бөлүмүнөн ыкчам топ жана райондук Жарандык коргонуу кызматтары тартылып, тактоо жумуштары жүрүүдө жана абал көзөмөлгө алынууда.
Посмотреть эту публикацию в Instagram
