Бишкектеги «Ала-Тоо» аянтында музыканын коштоосундагы оргуштаган фонтандар пайда болот. Бул тууралуу шаардык мэриядан билдирди.
Учурда фонтандарды реконструкциялоо иштери жүрүүдө. Эскиздик долбоор боюнча аянтта өзгөчө курулат.
“Учурда эски фонтандар демонтаждалып, жаңы фонтандарды орнотууга даярдык көрүлүүдө. Аянттагы брусчаткалар алынып, гранит таштары басылат”, — деп белгиледи Бишкек шаарынын мэринин орун басары Азамат Кадыров.
Ошондой эле, айланасындагы имараттар ирээтке келтирилет.
Курулуш иштерин жүргүзүп жаткан компаниянын директору Бактияр Жаманбаев билдиргендей, фонтандарды куруу иштерине керектүү айрым материалдар чет өлкөлөрдөн буйрутма менен алынып келүүдө.
Жүргүзүлүп жаткан иштер шаардыктар жана келген туристтер үчүн ыңгайлуу шарттарды түзүү максатын көздөйт.
