ККМди колдонбогон ишкерлерге айып пул салынат. Бул тууралуу “Кабар” агенттигиндеги маалымат жыйынында Салык кызматынын төрагасынын орун басары Бекболот Алиев билдирди.
Маалыматка ылайык, жыйынга Салык кызматынын төрагасынын орун басарлары жана Экономика жана коммерция министрлигинин салык саясаты башкармалыгынын жетекчиси катышууда.
«Мисалы, ишкерлер мурун 1000 сомго патент алса, азыр ошол патентти албай койсо болот. Салыктын мындай жолу салык төлөөнүн маданий жолуна өтүү десек болот.
Жаңы ККМди колдонуунун үйрөнүп жаткан учурда кыйынчылыктар болушу мүмкүн, бирок үйрөнсө болот. Тагыраагы чакан ишкерлерге жеңилдик болуп жатат»,-деп билдирди Алиев.
Ошондой эле, ККМди колдонбогон ишкерлерге айып пул салынарын белгиледи.
«Эгер ишкерлер ККМди колдонбой койгон учурда аларга 3 миң сомдун тегерегинде айып пул салынат. Бирок 2-3 ай ишкерлер ККМди колдонууну үйрөнүү этабы катары эске алынат,»- деп кошумчалады Алиев.