8-февралда Алматынын Медеу районундагы Тау-Самал кичи районунда жер көчкү жүрүп, турак үйлөрдү басып калган. Бул тууралуу Sputnik Казакстан жазып чыкты.
Малыматка караганда, жер көчкүнүн жүрүшүнө муздак суу түтүгүнүн жарылышы себеп болгон. Кырсык тууралуу маалымат Казакстандын тиешелүү органдарына түнкү саат 02:20лар чамасында түшкөн.
Жер көчкүдөн эки үй жабыркаган. Алдын ала маалыматтар боюнча, ал үйлөрдө төрт киши болгон, анын экөө балдар.
Окуя болгон жерге жакын жайгашкан үйлөрдө жашагандар түндө эвакуацияланган. Учурда жабыркагандарды издөө иштери уланууда.
