Кечээ, 19-мартта ырчы Асел Кадырбекова Бишкектеги кафелердин биринде туулган күнүн жакындарынын курчоосунда өткөрдү. Ырчы айым 32 жашка чыкты.
«Көрсө мен 32 жашыма туулган күнүмдү өзүм уюштуруп, өткөрүп жатыптырмын. Туулган күн өткөргөндү анча жактыра берчү эмесмин, бирок менде башка Асел ойгонду көрүнөт. Кээде өзүм чыгарган чечимдерге таң калам. 32 жашымда өзүмдүн койгон максатыма жакындадым десем болот. Азыр менде эмне болсо, ошого шүгүр. Тилекке каршы, татаал жол тандаптырмын. Бул жөн жерден эмес, жашоо балын берет. Мени жакшы көргөн жана баалай билген жакындарыма рахмат»,- деп жазды ал.