Бишкек – Ош унаа жолунун Сосновка постундагы убактылуу чектөө саат 13:00дө алынды. Бул тууралуу Транспорт министрлигинен билдирди.
Буга чейин саат 10:15те Арал посту унаалардын бардык түрү үчүн ачылган. Ошондой эле Суусамыр – Талас – Тараз унаа жолунун 60-чакырымында (Өтмөк ашуусу) оор жүк ташуучу унааларга киргизилген убактылуу чектөө саат 12:00дө алынды.
“Кыргызавтожол-Түндүк” жана “Кыргызавтожол-Түштүк” мамлекеттик ишканалары тарабынан тазалоо, инерттик материалдарды себүү иштери үзгүлтүксүз жүргүзүлүүдө.
