Нарын облусунда «Йакын инкар» диний-экстремисттик агымынын тогуз мүчөсү кармалды. Бул тууралуу УКМК билдирет.
Ат-Башы районунун Большевик айылында «Йакын инкар» диний-экстремисттик агымынын активдүү мүчөлөрүнүн жашаган жерлеринде тинтүү жүргүзүлдү. Бул агымга тиешелүү көптөгөн экстремисттик мүнөздөгү китептер, дептерлер жана журналдар, электрондук ноутбуктар, флешкалар жана телефондор табылды. Алынган материалдар боюнча соттук экспертизалар дайындалды.
Ыкчам-иликтөөнүн негизинде “Йакын инкар” диний-экстремисттик агымынын тогуз мүчөсү кармалып, убактылуу кармоочу жайга киргизилди. Ал эми, уюмдун 3 мүчөсү экстремисттик агымдын идеологиясынан баш тартты.
