Төмөнкү Серафимовка мүмкүнчүлүгү чектелгендер үйүндө мыйзам бузуу фактысы катталды. Бул тууралуу майыптар үйүнө барган көчмө шайлоо комиссиясы билдирди.
Аталган майыптар үйүндө 100гө чакын жаран жашайт. Алардын баардыгы №6 номурдагы талапкерди шайлоо керектигин айтышкан, бирок анын аты-жөнүн сурашканда «Аты-жөнүн билбейбиз, №6ны шайлагыла дешкен», — деп жооп беришкен.
Мүмкүнчүлүгү чектелген жарандарды мед.кызматкерлери №6 номурдагы талапкерди шайлоону айтып, көрсөтүп турушкан. Бул мыйзам бузуу экендигин эскертишкенде, айрым жарандардын көзү азиз же өзү кыла албайт деп орой жооп беришкен.
