Бишкекте алдамчылыкка шектүү жаран кармалды. Бул тууралуу Октябрь РИИБинин басма сөз кызматы билдирди.
Маалыматка ылайык, 27-июлда С.М. аттуу жаран, ушул жылдын май айында алдоо жолу менен Lexus ES250 автоунаасын 18 миң 500 долларга сатып алам деп ошол бойдон из жашырган Т.А. аттуу жаранга чара көрүүнү суранган.
Бул факты Октябрь РИИБине каттоого алынып, Кылмыш-жаза кодексинин 204-беренеси (алдамчылык) боюнча сотко чейинки өндүрүш башталган.
Тергөө иштеринин жүрүшүндө, 1981-жылы туулган Т.А. аттуу жаран кармалып, Бишкек ШИИББинин убактылуу кармоочу жайына киргизилди.
