Бишкекте маршруттук таксинин айдоочусу аялды төрөт үйүнө өз убагында жеткиргени үчүн сыйланганын Транспорт жана жол министрлиги билдирди.
Анда айтылгандай, №214-маршруттук таксинин айдоочусу Азамат Рысалиев толгоосу башталган аялды көп сандаган жүргүнчүсүнө карабай Усенбаев көчөсүндөгү №1 төрөт үйүнө өз убагында жеткирген. Аялды төрөт үйүнө жеткиргенден кийин, айдоочу маршрут боюнча өз милдетин аткарууну уланткан. Аны Транспорт министрлигине караштуу жер-суу транспорту департаментинин Чүй-Бишкек аймактык башкармалыгы ардак грамота менен сыйлады.
