Сузак районунда 31 жаштагы эркек жаран 25 жаштагы аялын өлтүрүүгө шек саналып кармалды. Бул тууралуу облустук милициянын маалымат кызматы билдирди.
Шектүү кызганычтан улам жубайын муунтуп өлтүрүп, үйүнүн короосуна көмүп салган. Факты үстүбүздөгү жылдын 23-июнунда Сузак райондук ички иштер бөлүмүнө катталып, тергөө амалдары жүргөн. Тергөөнүн натыйжасында Киров айылында шектүүнүн үйүнүн короосунан аялдын сөөгү табылып, соттук-медициналык экспертиза дайындалды.
Райондук милиция Кылмыш-жаза кодексинин “Адам өлтүрүү” беренеси менен кылмыш ишин козгоп, шектүү убактылуу кармоочу жайга киргизилген.