Эмгек, социалдык камсыздоо жана миграция министри Равшанбек Сабиров жайкы ден соолук кампаниясынын алкагында аярлуу категориядагы балдардын биринчи агымын эс алууга жөнөтүүнү жеке өзү көзөмөлдөдү.
Балдардын эс алуусу 10-июндан башталып, 22-июлга чейин уланат. Биринчи агымга Чүй облусунан, Бишкек шаарынан, Ысык-Көл жана Нарын облустарынан 500 бала жөнөтүлүүдө.
Жалпысынан программада 6 агым пландалууда, ага 1200 бала – 1000 өспүрүм жана 200 майыптуулугу бар балдар кирет.
Ар бир агым сөзсүз түрдө майыптуулугу бар балдарды камтыйт. Программа жайкы мезгилде калктын социалдык аялуу катмарындагы балдардын ден соолугун жана бакубаттуулугун колдоого багытталган.
«Министрлик жыл сайын аз камсыз болгон үй-бүлөлөрдүн, майыптардын, камкордукка алынган, жетим балдардын, ошондой эле өзгөчө камкордукка муктаж жана турмуштук оор кырдаалга кабылган балдардын жайкы эс алуусун жана ден соолугун чыңдоону уюштуруп келет», — деди Равшанбек Сабиров.
