Бүгүн, Азия чемпионатына катышкан балбандар, машыктыруучулар жана Күрөш федерациясынын өкүлдөрү маалымат жыйын берүүдө. Анда, Айсулуу Тыныбекова бир, эки жуманын ичинде калыбына келип калаарын машыктыруучусу Нурбек Изабеков билдирди.
«Айсулуу Тыныбекованы медициналык кароодон өткөрдүк. Бир, эки жуманын ичинде калыбына келет, бирок учурда башка булчуңдары үчүн машыгып жатат. Спортчулар бир жеринен жаракат алса, башка булчуңдарын машыктыра берсе болот»,-деди ал.
Эске салсак, Айсулуу Тыныбекова Азия чемпионатында япониялык Нонока Озаки менен күрөшүп, бутунан жаракат алган.
