Бүгүн, 5-декабрда Бишкекте КРнын Эмгек сиңирген артисти Азиз Мурадиллаевдин абалы, ага чогултулган каражат боюнча маалымат жыйын өттү. Коомдук ишмер Ассоль Молдокматова Мурадилаевдин боорун алмаштыруу үчүн тез аранын ичинде донор керек экендигин билдирди.
Актердун апасы Анара Садыгалиева донор болмок, бирок жашы туура келбей калган.
«Актердун калган жакындары жана туугандары да туура келбейт экен. 26 жаштагы кыз донор болууга макул болгон, бирок анын канынын тобу туура келбей калды», — деди Ассоль Молдокматова.
Актерго бир күндө 3 миң 270 доллар чогулган. Дарыланууга жетпей жаткан 42 миң долларды президент Садыр Жапаров которгон.
