Бактыбек Талайбеков Аламүдүн райондук билим берүү бөлүмүнүн башчысы болуп дайындалды. Бул тууралуу ал өзүнүн фейсбуктагы баракчасына жазды.
«Ротация тартибине ылайык, бүгүнтөн тарта Аламүдүн райондук билим берүү бөлүмүнүн башчысы кызмат ордуна дайындалганымды маалымдайм. Бул ишеним мен үчүн чоң жоопкерчилик жана жогорку милдет болуп саналат. Билим берүү тармагында системалуу реформаларды улантып, мугалимдерге, билим берүү мекемелерине жана ата-энелерге сапаттуу кызмат көрсөтүүнү бекемдөө — негизги максаттарымдын бири болот. Райондогу билим сапатын жаңы деңгээлге көтөрүү боюнча биргелешип, ачык жана натыйжалуу иш алып барууга даярмын. Ишеним артып, жооптуу кызматты тапшырган жетекчиликке ыраазычылык билдирем. Мындан ары да агартуу тармагынын өнүгүшүнө салым кошууга бардык күч-аракетимди жумшайм»-, деп жазды Бактыбек Талайбеков.
