Бишкек шаарынын мэринин милдетин аткаруучу Балбак Түлөбаев эл менен айдоочулардын ортосунда калгандыгын айтты. Бул тууралуу ал бүгүн журналисттерге берген интервьюсунда билдирди.
«Эми бир бетиңди тоссоң, бир бетиң калат дегендей эле болуп жатат да. Айдоочулардын талабы жол кире акысын 15 сомго көтөрүү болуп жатат. Алар дагы бала-бакыра багалы деп жатышат. Эки жылдын ичинде шаарда маршруттук каттам толук токтошу мүмкүн. Себеби, азыркы маршруттардын баары эскирип жарактан чыгат. Тетиктерин алмаштыруу керек. Мен аларга саат 20:00гө ге чейин 12 сом, 20:00дөн кийин 15 сом кылгыла дедим. Бирок алар ошого да көнбөй жатышат», — деди ал.
