Ысык-Көл облусунун Балыкчы шаарында бүгүн, 23-январда саат 06:22 чамасында ылдамдыгы секундасына 28-34 метрге чейин жеткен катуу шамал болду. Бул тууралуу ӨКМ билдирди.
Шамал Балыкчы шаардык аймактык ооруканасынын чатырын учуруп, жугуштуу оорулар бөлүмүнүн терезесин сындырып кеткен. 1992-жылкы аял жана 2023-жылы туулган кичинекей бала жабыркаган. Учурда абалдары туруктуу, дарыгерлердин кароосунда.
Жерине тактоо иштерин жүргүзүү үчүн ӨКМден ыкчам топ тартылды. Ошондой эле шаардык жарандык коргонуу комиссиясы тарабынан тактоо иштери жүрүп жатат.
