Башкы прокуратуранын расмий сайтында калк менен байланышты жакшыртуу максатында онлайн-кабылдама ишке кирген.
Кыргызстандын жарандары баардык жерден башкы прокуратурага өз кайрылуу, арыздарын жөнөтсө болот. Бирок, арыздануу, даттануу же сунуштан башка катар каралбайт.
Кайрылуулар «Жарандардын кайрылууларын кароо тартиби жѳнүндѳ» Кыргыз Республикасынын Мыйзамынын 6-беренесине ылайык тѳмѳнкү учурларда кароого кабыл алынбайт:
• адепсиз жана кемсинтүүчү, мазактоочу сѳздѳр камтылса;
• текст латиницаны колдонуу менен жазылса же бардык сѳздѳр баш тамга менен жазылса, сүйлѳмдѳргѳ ажыратылбаса;
• почтасынын дареги толук жана так кѳрсѳтүлбөсѳ;
• кайрылуу арыздануу, даттануу, сунуштоо иретинде жазылбаса;
• андан тышкары, мамлекеттик бийликте тѳңкѳрүш жасоого, улуттар аралык жана конфессиялар аралык жаңжалга үгүттѳѳлѳрдү камтыса.
Электрондук түрдѳ жѳнѳтүлгѳн кайрылуулардын авторлорунун жекече маалыматтары мыйзамдын талабына ылайык жүзөгө ашырылат.
