Баткен шаарында 10 миң адамга ылайыкталган футбол стадионунун курулушу башталды. Бул тууралуу президенттин аймактагы өкүлчүлүгүнөн кабарлады.
Улуттук коопсуздук мамлекеттик комитетинин төрагасы, Кыргыз футбол биримдигинин президенти Камчыбек Ташиев курулушка мезгил кутусун салды.
Стадионго караштуу аймак футбол аренасынан тышкары үч машыгуу оюн талааларын жана төрт кичи футбол аянтчаларын камтып, алардын жанында кийим алмаштыруучу бөлмөлөр, жаш оюнчуларды кабыл ала турган 100 кишилик жатакана комплекси курулат. Ошондой эле стадиондун аймагында 200 унаага ылайыкталган унаа токтотуучу жай орун алат.
Ал эми стадиондун өзү жана бир футбол аянтча жарык берүүчү шам чырактар менен жабдылып, футболдук беттештерди кечки убакытта кабыл алууга шарт түзүлөт.
