Лейлекте турак үйдөн өрт чыгып, бир нече буюмдар күйүп кеткен. Бул тууралуу ӨКМнын басма сөз кызматы билдирди.
Маалыматка ылайык, Лейлек районунун Кулунду айылында К.Д. аттуу жаранга таандык турак үйдө өрт чыгып жаткандыгы боюнча түнкү саат 02:58де маалымат түшкөн.
Өрттү өчүрүүгө 1 бөлүм тартылып, жалпы аянты 24 чарчы метрге жеткен өрт саат 03:41де толугу менен өчүрүлгөн.
Өрттүн кесепетинен бөлмө ичиндеги 1 даана шкаф, килем, бешик, терезе, 14 даана жаздык, тигүүчү кол машина, күзгү, палас жана кийим-кече өрттөнүп кеткен.
Жабыркагандар жок.
