Баткендеги куралдуу кагылышка Кыргызстанды күнөөлү деген “Азаттык” радиосу 2 айга жабылат.
Тажик агрессиясы учурунда “Азаттык” радиосу Кыргызстан тарапты күнөөлөп, биринчи ок атып, оор согуштук куралдарды колдонду деген жалган маалымат тараткан.
Анда, “Азаттыктын” Бишкектеги редакциясы тажик журналистине түз эфирде мүмкүнчүлүк берип, ал “Кыргызстан мурдагы тынчтык сүйлөшүүлөрүнө карабай куралдуу кол салды. Тынч жаткан элди аткылап, оор согуштук техникаларды тартып, беспилотниктерди колдонду”-деп сүйлөгөн.
Мындай жалган маалыматы үчүн Маданият, маалымат, спорт жана жаштар саясаты министрлиги бир нече жолу өтүнүч менен кайрылып, маалыматты өчүрүп коюну суранган. “Азаттыктын” жетекчиси Айзада Касымалиева өтүнүчтү четке кагып, баш тарткан.
Мыйзамга ылайык, массалык маалымат каражаты жарыялаган жалган маалыматын өчүрүүдөн баш тартса, анда ал 2 айга убактылуу жабылат.
